Жол қайда ақиқатқа апаратын?
Ел қайда «Ақиқат» деп аталатын?
Айлакер, арамзалар, алаяқтар,
Аяғы көктен келіп маталатын?
Сыбайлас жемқорлыққа қарсы іс-қимыл агенттігі кезекті адалдық сағатын «Мұқағали Мақатаев – мәңгілік ғұмыр» тақырыбына арнады деп хабарлайды Dalainform тілшісі.
Онлайн дәрістің негізі ретінде әділеттілік пен адалдыққа, патриотизмге және елге деген құрметтен өрнектелген ұлы ақынның шығармалары алынды.
Биыл 9 ақпан күні өршіл жыр мұзбалағы, ақиық ақын Мұқағали Мақатаевтың туғанына 90 жыл (1931–1976) толды.
«Ақынның өзі айтқандай «Поэзия – махаббаттан басталып, парасатпен аяқталуы тиіс», осылайша, ол адамдарды адал, мейірімді болуға, жас ұрпақты Отанға деген сүйіспеншілікте тәрбиелеуге, туған жері мен ана тілін қастерлеуге, үлкендерді құрметтеп, бейбіт уақыттың әр сәтін бағалауға шақырды.
Ақын шығармашылығында Отан мен туған табиғат тақырыбы маңызды орын алады. Өз шығармаларында ол адам Отансыз өмір сүре алмайтынын айтты. Отансыз адамды ормансыз құсқа теңеді», – деп толғанады парақорларды құрықтаумен айналысатын мекеме мамандары.
Осы орайда ҚР Президенті Қасым-Жомарт Тоқаев та желідегі парақшасында бүгін ақиық ақынның туған күні екенін атап өтті.
