Желі қолданушылары «Сабина» рөлінде банк өнімін жарнамалайтын белгілі өнер иесі Нұртас Адамбай сияқты ер адамдардың әйел кейпіне енуіне наразылық танытып, жазба қалдырды деп хабарлайды Dalainform тілшісі.
Олардың айтуынша, жалпы телеарналар қазақты басқа ұлттарға мазақ етіп, тілін, дәстүрін келемеждеумен айналысады.
«Біздің балаларымыз да күні-түні осындай жиіркенішті жарнама, роликтер көріп өсіп келеді. Сайттардың көбі бір-бірімен жарысып, біреулердің қыздарды қалай зорлағанын егжей-тегжейлі түсіндіріп, жыныс ауыстыруды жарнамалауда», – деп ашуға булықты Әмина Смағұлова есімді қарындасымыз ұлттық идеологияның жоқтығына қынжылып.
Ол бұған дейін Президенттің өзі қоғам қарсылығынан құлағдар болса да жұмысын жалғастыра берген «Қалаулым» сияқты бағдарламалар мен әйел боп киінетін еркектерге қарап өсетін жастардың болашағына алаңдады.
