«Қазатомөнеркәсіп» ұлттық атом компаниясының бұрынғы жетекшісі Мұхтар Жәкішев Ресей президенті Владимир Путинмен арада болған кикілжің туралы әңгімелеп берді деп хабарлайды Dalainform тілшісі.
Өзінің үзеңгілес серігі, медиакәсіпкер Арманжан Байтасовпен сұхбатында былтыр ғана түрмеден босап шыққан ол қоғамдағы өзінің абақтыға қамалып, тағдырын өзгеруіне байланысты көрші ел басшысының әсері жайлы қоғамдағы қаңқуға тоқталды. Қоғам қайраткері Путиннің нақты қуғындалуына қатысы барын айта алмайтынын, дегенмен бірнеше рет кездесу барысында келіспеушілік болғанын жасырмады.
Соның бірінде, екі мыңыншы жылдары, ТМД президенттерінің жұмыс бабымен жолығуы аясында, ынтымақтастық қырлары талқыланып, Ресей тарапының өз шарттарын өзгерткісі келетіні анықталған. Олар қазақстандық кен қойнауларын игеруге атсалысуға дайын болғанымен, технологияларымен алмасуда нақтылықтан тайған. Жәкішев аталған Путин бекіткен нұсқадан бас тартып, ашуын тудырған.
«Мені Владимир Путиннің көңіліне қарағанда, Қазақстан мүддесі алаңдатты», – деген Мұхтар Жәкішев Қазақстан президенті Нұрсұлтан Назарбаевқа жағдайды түсіндіргенін, Путиннің пікірін пысқырмағанын жеткізді.
Содан тиісті тұлғалар РФ басшысының кабинетіне кірген. Онда Путин дауысын көтеріп, жас менеджердің саяси өте маңызды құжатқа қол қоймауының ағаттығын дәлелдеуге тырысқан. Жәкішев ынтымақтастықтың ағасы мен інісі сияқты емес, тең болуы керектігін, қызметтен босатса да осы күйінде келісімшартқа қол қоймайтынын нығарлаған.
Ақыры Путин құжатты жетілдіруге келіскенімен, көңілі толмай қалған.
Кейін Жапониямен келіссөздер жүргізілгенімен, Жәкішевтің қамауға алынғаны аян.
