Бірнеше күн бұрын Шымкентте 70 жастағы зейнеткерге шабуыл жасаған қаскөй ұсталды деп хабарлайды Dalainform тілшісі полиция ақпаратына сүйеніп.
Егде жастағы адамға үйіне кіреберісте артынан келіп соққы жасап, зорламақ болған қылмыскер оны қатты ұрып, құлатқанымен, кейін бірдеңеден қорқып, қашып кетті.
Зардап шекке әйел қазір ауруханада, жағдайы бірқалыпты.
⠀
Қазіргі таңда күдіктінің ұсталғаны мәлімделіп отыр.
20 желтоқсанда қолға түскен айыпты 1985 жылы туған жергілікті тұрғын болып шықты.⠀
«Тергеу амалдарының барысында күдіктінің зардап шегушінің қалтасынан 8 мың теңгедей ақша ұрлап әкеткені анықталып, ол іс-әрекетін мойындады», – дейді ҚР Ішкі істер министрлігінің ресми өкілі Нұрділдә Ораз.
Бүгінде уақытша ұстау абақтысына қамалған ер адам 8 жылға дейін бас бостандығынан айырылуы мүмкін.
