Қазақстан президенті Қасым-Жомарт Тоқаев Америка Құрама Штаттарының басшысы Дональд Трампқа COVID-19 індетінен тезірек жазылып кетуін тіледі, деп хабарлайды DalaInform.kz.
«Президент Трамп пен оның жұбайы Меланияның коронавирустан тезірек сауығып кетуіне шын көңілден тілектестік білдіремін», – деп жазды мемлекет басшысы твиттер аккаунтында.
Бұған дейін АҚШ президентінің COVID-19 жұқтырғаны жөнінде хабарлаған болатынбыз.
Америка Құрама Штаттары вирус жұқтырғандар саны бойынша әлі бірінші орында, онда 7 277 759 жағдай анықталған. Бүкіл әлемде 34 миллионнан астам адам осы ауруға шалдығып, олардың миллионнан астамы көз жұмған.
