Мемлекет басшысы жоғары сот кеңесінің төрағасы Талғат Донақовты қабылдады, деп хабарлайды DalaInform Ақордаға сілтеме жасап.
Қасым-Жомарт Тоқаевқа еліміздегі сот корпусының жалпы ахуалы, жоғары сот кеңесінің былтырғы жұмысының қорытындылары мен биылғы жылға жоспары жайында баяндалды. Тоқаевқа Қазақстан халқына жолдауында және республикалық соттар съездінде берген тапсырмаларының орындалу барысы туралы ақпарат берілді.
«Сонымен қатар президентке жоғары сот кеңесі судьяларды іріктеудің сапасын арттыру үшін қолданатын заманауи HR әрі цифрлық технологияны енгізу жөнінде айтылды. Кездесу соңында мемлекет басшысы Талғат Донақовқа кеңес жұмысына жаңа технологияларды енгізу, сондай-ақ елдегі жаңа құрылған әкімшілік соттарға сапалы мамандар іріктеу туралы тапсырма берді», – делінген ақпаратта.
