Қазақстанның тұңғыш президенті – елбасының Мемлекеттік бейбітшілік және прогресс сыйлығын беру туралы жарлық жарияланды, деп хабарлайды DalaInform.
«2020 жылғы Қазақстанның тұңғыш президенті – елбасының Мемлекеттік бейбітшілік және прогресс сыйлығы:
медицина саласын дамытуға, бейбітшілік пен халықтар арасындағы достықты, өзара сенімді нығайтуға қосқан ерекше үлесі үшін Төрегелді Шарманұлы Шармановқа;
білім және ғылым саласын дамытуға, бейбітшілік пен халықтар арасындағы достықты, өзара сенімді нығайтуға қосқан ерекше үлесі үшін Шигео Катсуға берілсін», – делінген Қасым-Жомарт Тоқаев қол қойған құжатта.
Төрегелді Шарманов – жақында 90 жасқа толған Қазақ тағамтану академиясының президенті, академик, гигиенист-нутрициолог ғалым. Көптеген халықаралық және мемлекеттік сыйлық иегері.
Шигео Катсу – Назарбаев университетінің ректоры, Назарбаев зияткерлік мектептері қамқоршылық кеңесінің төрағасы, Назарбаев қоры қамқоршылық кеңесінің мүшесі, «First Heartland Jýsan Bank» АҚ директорлар кеңесінің төрағасы.
Бұған қоса Тоқаев бірқатар белгілі тұлғаға Қазақстанның Абай атындағы әдебиет пен өнер саласындағы 2020 жылғы мемлекеттік сыйлығын тағайындады.
