Кейін осы іске қатысы бар азаматтың кешірім сұраған видеосы тарады, деп хабарлайды DalaInform.
«Болған оқиғаға қатысты жұртшылықтан кешірім сұрағым келеді. Жаман ойымыз болған жоқ. Құрбандық шалып, етін мұқтаждарға бергіміз келді, бірақ… Ел азаматтарынан осы оқиға үшін тағы да кешірім сұраймын», – деді салынып жатқан нысан учаскесінің басшысы Олжас Есеналин.
Бұған қоса Нұр-Сұлтан қаласының полиция департаменті кранмен көтерілген сиырға қатысты түсініктеме берді.
«Астана полицейлері мониторинг барысында сиырды кранмен көтеру фактісін анықтады. Оқиғаның биылғы 15 ақпанда сағат 11.30-да Нәжімеденев көшесінде салынып жатқан тұрғын үй кешенінің жоғарғы қабатында орын алғаны белгілі болды. Тәртіп сақшылары оқиғаның барлық қатысушысын анықтады. Бұл факт бойынша тексеру жүріп жатыр. Қазақстанның қолданыстағы заңнамасына сәйкес шаралар қабылданады», – деді департамент.
