Төбелесіп қалған екі тәртіп сақшысы қызметінен айырылды, деп хабарлайды DalaInform Оtyrar.kz-ке сілтеме жасап.
Олардың жаға жыртысқан сәті видеоға түсіп қалыпты.
Оқиға кеше түнгі сағат бір шамасында қаланың орталық көшесінде орналасқан полиция бекетінде болған. Әлеуметтік желіде желдей ескен бейнеде олардың нені бөлісе алмағаны белгісіз. Екі тәртіп сақшысының жаға ұстасқан кезін әлдекімдер телефонға түсіріп алған. Бекет ішіндегінің барлығы анық көрініп тұр. Әлдебір сөздерді айтып, қызметтік формаларынан ұстап жұлқыласып жатқан жерден видео үзіліп кетеді.
«Погондағылар жаға жыртысқан бекетке де бардық. Қазір ол жерде таңертең кезекшілікті қабылдап алған басқа екі полицей жұмысын жалғастыруда. Ол видео жайлы ештеңе білмейтінін айтты. Ал полиция департаменті өкілдері бұл оқиғадан кейін тексеріс жасап, қос қызметкердің ісін тәртіптік кеңесте қараған. Бір-біріне нағашы-жиен әріптестер жәй ғана алысып ойнапты-мыс. Алайда олар полиция имиджіне нұқсан келтіргені үшін қызметтен шеттетіліп, резервке қойылыпты», – делінген ақпаратта.
Посмотреть эту публикацию в Instagram
