Шымкент қаласында карантин мерзімі ұзартылды, деп хабарлайды DalaInform шаһардың бас санитар дәрігеріне сілтеме жасап.
«Шымкент аумағында карантин мен шектеу шараларын 12 қазан сағат 00.00-ден 26 қазан сағат 00.00-ге дейін ұзартамыз», – делінген қаланың бас санитар дәрігерінің қаулысында.
Осы құжатқа сәйкес, күшейтілген санитарлық-дезинфекциялық режимнің сақталуымен жәрмеңке өткізуге рұқсат етілген. Ал цирк жұмысына тыйым салынған.
Бұған қоса бүгін Солтүстік Қазақстандағы Булаево қаласы карантинге жабылды. Елордада да сақтық шаралары қатаңдатылмақ.
