Тұрсынбек Қабатов былтыр Қарағандыға барар жолда адам өліміне әкеп соқтырған жол-көлік оқиғасында көлік оныкі болғанымен, рульде көмекшісі отырғанын айтты деп хабарлайды Dalainform тілшісі.
Белгілі әзілкештің сөзіне қарағанда, көмекшісі машинаны одан бір шаруаларын желеу етіп сұрап алған.
«Тұрсынбек Қабатовтың көлігі адам қағып кетті деген ақпарат әртүрлі тарап жатыр. Сондықтан өз аузыммен сіздерге түсіндірейін деп шештім, үндемей отыра алмадым. …Көмекшім жанымда жүрген, жүргізушім емес, кешқұрым бір жерге барып келейін деп көлік сұрады. Жүргізуші куәлігінен айырылғанын білмедім. Ойымда ештеңе жоқ, кілтті бере салдым», – деген ол артынан оқиғаны естігенде төбесінен жай түскендей болғанын жасырмады.
Сатира актері марқұм туралы жаман айтқысы келмейтінін, дегенмен жолға ішімдік ішкен күйі жүгіріп шыққаны жайлы естігенін жеткізді. Сонымен қатар, Тұрсынбек Қабатов, істің куәгерлері бар екенін тілге тиек етті.
«Содан қолыңмен істегенді мойныңмен көтер, араласпаймын дедім. …Оқиға басында болмасам да, көлік сенікі ғой деп кінә тағып жатқандар болса, кешірім сұраймын», – деп түйіндеді ойын қазақстандық шоу-бизнес өкілі.
Посмотреть эту публикацию в Instagram
Еске сала кетсек, кешелі бері Тұрсынбек Қабатовқа тиесі жол талғамайтын көлік ер адамды қағып кетіп, оның оқиға орнында тіл тартпай кеткені жайлы ақпарат желіні дүрліктірді. Марқұмның анасы әділдіктің жоғына шағымдануда.
