Қазақстан мен Ресей үкіметтерінің шешімі бойынша 2020 жылғы 21 қыркүйектен бастап екі ел арасындағы тұрақты жолаушылар рейстерін қалпына келтіруге рұқсат етілді, деп хабарлайды DalaInform.
ҚР мен РФ арасындағы рейстер бастапқы кезеңде Нұр-Сұлтан – Мәскеу бағыты бойынша «Эйр Астана» және «Аэрофлот» әуе компанияларымен әр тараптан аптасына бір рейстен орындалады.
«Эйр Астана» компаниясы екі ел арасындағы рейстерді 2020 жылғы 26 қыркүйектен, «Аэрофлот» ұшуларын 2020 жылғы 27 қыркүйектен бастауды жоспарлап отыр.
Рейстер қос мемлекеттің санитарлық-эпидемиологиялық нормаларын қатаң сақтай отырып, әуе компанияларының сайттарында жарияланған кестеге сәйкес орындалады.
ҚР бас мемлекеттік санитар дәрігерінің талаптарына сәйкес, Ресей Федерациясынан Қазақстан Республикасына жолаушылар рейстерімен келетін азаматтар үшін келесі шектеу шаралары белгіленген:
1. термометрия;
2. сауалнама;
3. алған сәтінен бастап Қазақстан мемлекеттік шекарасын кесіп өту сәтінде 5 тәуліктен аспайтын уақыт өткен, ПТР әдісімен зертханалық тексерудің теріс нәтижесі бар COVID-19-ға тексерілгені туралы анықтама болған жағдайда – шектеусіз; анықтама болмаған жағдайда – келген жері бойынша ПТР әдісімен коронавирусқа зертханалық тексеру немесе 14 күнге үй карантині.
