Әлемде эпидемиологиялық жағдайдың нашарлауына байланысты Қазақстан алдағы уақытта бірнеше мемлекетпен әуе қатынасын азайтуды жоспарлап отыр, деп хабарлайды DalaInform тілшісі.
Тізімге Украина, Германия, Беларусь пен Біріккен Араб Әмірліктері кірді.
«Бұндай жоспарлар бар және олар жақын арада жүзеге асады», – деді ОКҚ брифингі барысында денсаулық сақтау вице-министрі, еліміздің бас санитар дәрігері Ерлан Қиясов.
Бұған дейін басқа мемлекеттермен бағыттарды қалпына келтірмей, бар рейстер санын арттырмай, Түркияға дейінгі әуе байланысын қысқарту туралы шешім қабылданған болатын.
