Жігіттер арасындағы төбелес Қамзин көшесіндегі үйлердің бірінде болған, деп хабарлайды DalaInform pavlodarnews.kz-ке сілтеме жасап.
2021 жылы 14 ақпанда әлеуметтік желілерді мониторингілеу кезінде tipavlo паблигінде Қамзин көшесіндегі 160-үйдің кіреберісінде төбелес фактісі бойынша бейнеролик жүктелгені анықталды.
«Төбелес туралы полицияға ешкім жүгінбеді, сақшыларды ешкім шақырған жоқ. Бірақ жарияланғаннан кейін бұл факт Павлодар қаласының оңтүстік полиция бөлімінде тіркелді. Учаскелік инспекторлар аталған фактіге қатысы бар адамдарды анықтау бойынша жедел-іздестіру іс-шараларын жүргізді. Нәтижесінде барлық қатысушы анықталды», – деді Павлодар қаласы оңтүстік полиция бөлімінің басшысы Жеңіс Жансеркенов.
21 және 23 жастағы ер азаматтардың бойжеткен үшін жанжалдасқаны белгілі болды. Салдарынан 23 жастағы жігіт жарақат алып, ауруханаға түсті.
Құқық бұзушыларға қатысты денсаулыққа қасақана жеңіл зиян келтіру фактісі бойынша ҚР ӘҚБтК-нің 73-1-бабы, 1-бөлігіне сәйкес әкімшілік іс қозғалды. Материал сотқа жіберілді.
Жыл басынан бері денсаулыққа қасақана жеңіл зиян келтіруге қатысты 816 әкімшілік іс қозғалды.
