Тіркелмеген «Ел тірегі» партиясының төрағасы Нұржан Әлтаев елдегі оппозициялық күштерді бірігуге шақырды деп хабарлайды Dalainform тілшісі.
Осылайша, ол, Ұлттық үйлестіру кеңесін құруды ұсынды.
«Жемқорлық пен ұрлық өршіп барады. Қазір бюджет триллиондап тоналып жатыр. Қазынадан шетелге орташа есеппен 1,5-2 триллион теңге шығарылуда. Ал қазақ халқы өз жерінде, өз елінде үйсіз-күйсіз кедейдің күнін кешіп келеді. «Алтын таудың» үстінде отырып, қаншама қазба байлығы болса да, 1 миллионнан астам қазақстандық күнде аштықпен күресуде. Әрбір отбасы банктерге белшеден қарыз», – деген Мәжілістің бұрынғы депутаты қоғамдағы келеңсіздіктерді ұлтқа қарсы қылмыс деп бағалады.
Жанболат Мамай, Ермұрат Бәпи, Тоғжан Қожалиева, Әкежан Қажыгелдин, Рысбек Сәрсенбай, Мұхтар Тайжан, Әсем Жапышева, Макс Боқаев сынды есімдерді атаған Нұржан Әлтаев, барша азаматтарды халыққа адал қызмет етуге үндеді.
Тәңірберген АРҒЫН
