Олжас Құдайбергенов ұлттық экономика министрлігі жанындағы басқарушы кеңестің төрағасы болып сайланды, деп хабарлайды DalaInform аталған ведомствоға сілтеме жасап.
«Ұлттық экономика министрлігі жанындағы басқарушы кеңестің отырысында Қазақстандағы мемлекеттік басқарудың жағдайы мен болашағы талқыланды. Министр Руслан Дәленов кеңестің негізгі міндеттерін түсіндірді. Бұл ведомствоның қызметін бағалау және жетілдіру бойынша ұсынымдық шешімдер әзірлеу. Кеңес төрағасы болып экономист, президент жанындағы әлеуметтік-экономикалық реформалардың мониторингін талдау орталығының мүшесі Олжас Құдайбергенов сайланды», – делінген ақпаратта.
Бұған дейін Руслан Дәленов президенттің кадрлық резерві құрамымен кездесуінде басқарушы кеңестің құрылатынын айтып, оның құрамына резерв өкілі қосылатынын жеткізген еді. Бүгінгі кездесуге резерв қызметкерлері де қатысты.
