Лондонда өткен Олимпиада ойындарының жүлдегері, қазақстандық еркін күрес шебері Ақжүрек Таңатаров өзіне қатысты ұрлықты жедел ашып, жылқыларын қайтарған полицияға алғыс айтты деп хабарлайды Dalainform тілшісі.
Сонымен қатар Азия чемпиондығына қол жеткізген ол ризалығын жеткізу үшін арнайы бейнебаян жолдады.
Ақжүрек тәртіп сақшыларына белгісіз адамдар Т.Рысқұлов ауданындағы жайылымнан 26 жылқысын айдап әкеткені жайлы арызбен жүгінген.
Содан мал ұрлығы бойынша іс қозғалып, шұғыл іздестіру шараларының арқасында осыған дейін тиісті баппен екі рет сотталған 31 жасар Жарлысу ауылының тұрғыны ұсталып отыр.
Жылқылар иесіне қайтарылды.
