Экология министрлігі орман шаруашылығы және жануарлар әлемі комитетінің мәліметіне сәйкес, Ақмола облысында 2500-ге жуық жабайы қабан бар. Олар астана аумағына қонысын ауыстырып жатқанда өтіп кетуі мүмкін деп хабарлайды Dalainform тілшісі.
Еске сала кетсек, биылғы қыркүйек айының 20-сынан 21-іне қараған түні Нұр-Сұлтан қаласы, Тұран көшесі бойында жабайы қабандар тобы бейнетаспаға түсіп қалды. Олардың бесеуі ересек, алтауы олардың төлі болса керек.
Содан кейін, аталған дерек бойынша Ақмола облыстық аумақтық инспекциясының инспекторлары табиғатты қорғау полициясымен бірлесе отырып, маңайды тору жұмыстарын жасаған.
Алайда, іздеу барысында дала жануарлары табылмады.
