Үндістанның Уттаракханд штатында мұздық еріп, сел көшкіні болды деп хабарлайды Dalainform тілшісі.
Оқыс оқиға салдарынан бөгет жарылып, деңгейі күрт көтерілген су тасыды. 100-ден аса адам жан тапсырды. Байланыстан ажырап, хабарсыз кеткен 170 адам іздестіріліп жатыр.
IAF Mi-17 & Chinook helicopters from Chandigarh and elsewhere on standby for search & rescue ops in #Uttarakhand. Will be required very soon given the devastation. Prayers. pic.twitter.com/sFok7pouKO
— Shiv Aroor (@ShivAroor) February 7, 2021
Зардап шеккендердің дені – «Ришиганга» гидроэлектростанциясының қызметкерлері. Қазір төтенше жағдай жарияланған аймақта 200 құтқарушы жұмыс істеуде. Жақын маңдағы ауылдардың тұрғындары қауіпсіз жерге көшірілген.
«Барша Үндістан Уттаракхандты уайымдап, қолдауда. Ұлт болып ондағылардың қауіпсіздігі үшін дұға етеміз», – деп жазды елдің Премьер-министрі Нарендра Моди.
Осы орайда еске салар болсақ, 2015 жылғы Париш келісімі бойынша, адамзат орташа ауа қызуын 1,5 градустан жоғарылатпауы тиіс. Егер бұл талап сақталмаса, мұздықтар еріп, көптеген өңірге су басу қатері төнеді.
