Ер адамның жағдайы тұрақты ауыр деп бағаланып отыр, деп хабарлайды DalaInform pavlodarnews.kz-ке сілтеме жасап.
Денсаулық сақтау басқармасы оған операция жасалатынын айтты.
«Азаматтың мойын омыртқасы жарақаттанған. Сондықтан да оны ота жасауға дайындайды. Қазір пациент Павлодар қаласы №1 ауруханасының политравма бөлімшесінде жатыр» – делінген хабарламада.
28 қаңтарда «Сарыарқа» қонақ үйінде тұрғын төртінші қабаттан лифт шахтасына құлаған болатын. Құтқарушылар оны арнайы құралдар көмегімен шығарып алды. Зардап шегуші көптеген жарақат алып, облыс орталығы №1 ауруханасының қабылдау бөліміне жеткізілді.
