Алматыдағы көлік жөндеу орнында болған өрттен 20-ға жуық көлік зақымданды деп хабарлайды Dalainform тілшісі.
02 ақпанда сағат 21: 52-де Алматы қаласы төтенше жағдай департаментінің диспетчерлік пунктіне Бостандық ауданындағы автокөліктік қызмет көрсету бекетінің өртеніп жатқаны туралы хабарлама келіп түскен.
Өрт сөндіру топтары жоғары шақыру деңгейі бойынша жолданған. Оқиға орнына жеткен кезде, ашық жерде лапылдаған тілсіз жаудың жақын маңдағы нысандарға таралу қаупі байқалған.
«Алдын ала болжам бойынша, өрттен 20-ға жуық көлік жанып кетті. 4 автокөлік ыстық аптаптан зардап шекті. Тағы 15 көлік эвакуацияланды. Жану алаңы шамамен 600 шаршы метрді құрады. Ғимараттың жалпы ауданы 1300 шаршы метр», – дейді ҚР Төтенше жағдайлар министрлігінің ресми өкілі Талғат Уәли.
Қабылданған шаралар бойынша оқшаулауға 23:09-да қол жеткізіліп, ал 23-47-де өрт сөндірілгені белгілі болды. Өрттің таяудағы жанармай бекетіне таралуына жол берілмеген. Зардап шеккендер жоқ, өрттің себебі анықталуда.
Құзырлы орын мамандары техникалық қызмет көрсету станцияларына өрт қауіпсіздігі ережелерін сақтауға кеңес береді. Атап айтқанда алғашқы өрт сөндіру құралдарының, сүйрейтін тростардың болуы қажет және автокөлік құралдарын өрт қатерін отырып орналастырған жөн.
