Амман қаласында Абай атындағы көшенің салтанатты ашылу рәсімі өтті, деп хабарлайды DalaInform сыртқы істер министрлігіне сілтеме жасап.
Қазақстан елшісі Айдарбек Тұматов өз сөзінде Абайдың 175 жылдығы қарсаңында Иордания астанасының орталық көшелерінің біріне қазақтың көрнекті ақыны мен ойшылының есімін беру екі ел арасындағы қарым-қатынастың және бауырлас қалалар – Нұр-Сұлтан әрі Амман арасындағы ынтымақтастықтың жоғары деңгейінің тағы бір дәлелі екенін айтты.
«Өз кезегінде Амман қаласы муниципалитеті қамқоршылар кеңесінің мүшесі Исмаил әл-Бустанджи бұл іс-шара бауырлас қазақ халқы мәдениетінің жарқын өкілі саналатын классиктің жоғары шеберлігіне деген құрмет екенін атап өтті», – делінген ақпаратта.
