Халықтың несиесі ағымдағы жылдың басынан бері 6,9 трлн теңгеге дейін, 3,7%-ға ұлғайды деп хабарлайды Dalainform тілшісі.
Олардың құрылымында тұтынушылық қарыздар 4,2 трлн теңгеге, яғни дейін 0,6%-ға төмендеп, мемлекеттік бағдарламаларды іске асыру есебінен ипотекалық қарыздар 2,0 трлн теңгеге дейін, 14,6%-ға көбейген.
«7-20-25» бағдарламасы бойынша үстіміздегі жылғы 8 қазанда 280,5 млрд теңгеге 23 935 өтінім мақұлданса, оның ішінде 219,4 млрд теңге сомасына 18 822 қарыз берілген.
«Баспана Хит» нарықтық ипотекалық бағдарламасы тұрғысында 373,8 млрд теңге сомаға 42 736 өтінім мақұлданып, 293,8 млрд теңге сомасына 34 437 қарыз иелерін тапқан.
Ұлттық банк төрағасы Ерболат Досаевтың айтуынша, банкке келмей-ақ қаржы қызметтерін алу үшін әзірленген қашықтықтан биометриялық сәйкестендіру сервисін өнеркәсіптік пайдалануға іске қосылып отыр. Биылғы сәуірден бері сервис екінші деңгейдегі 11 банкке халыққа 2,8 млн банктік қызмет көрсетуге мүмкіндік берген.
«Қашықтықтан биометриялық сәйкестендіру қаржы нарығының қатысушыларына клиенттерді қашықтан сәйкестендіруге және оларға банктік шоттар мен депозиттер ашу, төлем карточкаларын шығару, кредит беру сияқты қызметтерді көрсетуге мүмкіндік береді. Бұл сервис әлемдегі күрделі эпидемиологиялық ахуал аясында жаңа сын-қатерлерге жауап береді», – дейді ол.
Ұлттық банк басшысы сыртқы нарықтардағы құбылмалылықтың өсуі ішкі нарыққа әсер ететін атап өтіп, ахуалды жіті бақылауға және баға мен қаржы тұрақтылығын қамтамасыз ету, сондай-ақ экономиканы қалпына келтіруге қолайлы жағдайлар жасау үшін барлық қажетті шараларды қабылдауға уәде берді. Алайда, жылдық инфляция 2020 жылдың соңына дейін 8,0%-ға дейін өсуі мүмкін екенін жасырмады. Сәйкесінше, ол, азық-түлік бағасының қымбаттауына әкелмек.
