Қазақстандықтар төтенше жағдай тәртібі кезінде және карантиндік шектеулер барысында табысынан айырылуға байланысты алған 42 500 теңге әлеуметтік төлемін қайтаруға міндетті емес деп хабарлайды Dalainform тілшісі.
Әлеуметтік желілер мен мессенджерлерде тараған қауесетті жұрт дұрыс түсінбей, жалған ақпараттарды жоққа шығарушы мемлекеттік ресурс та бұрмаланған фейктерге бірден сенбей, мәселеге байыппен қарауға шақыруда.
Осы орайда ғаламтор пайдаланушылары өзара скрин көшірмесін таратқан, «Әлеуметтік көмекті қайтару» қызметі бар kaspi.kz ұялы телефон қосымшасында, аталған мүмкіндік ерікті түрде таңдау жасауға қамтамасыз етілген. Бұл дегеніңіз, карантин кезінде әлеуметтік төлем алған, бірақ табысын жоғалтпаған азаматтар үшін тиісті қаражатты қайтару жолы қарастырылған.
«Бұл төлемді қайтару – әрбір ҚР азаматының ерікті және дербес шешімі», делінген Kaspi вank ресми жауабында.
«Төтенше жағдай кезінде кейбір адамдар әлеуметтік төлемдерді заңсыз алды, олар кірістерін жоғалтпаған. Олардың кейбіреуі бұл қаражатты мемлекетке қайтару туралы шешім қабылдады. Төлемдер төлене бастағалы оны шамамен 180 000 адам қайтарды. Бұл ерікті түрде жүзеге асырылады. Азаматтарды бұл ақшаны қайтаруға міндеттейтін қағидалар мен заңдар жоқ», – дейді ҚР Еңбек және халықты әлеуметтік қорғау министрлігінің баспасөз хатшысы Александр Кононец.
Осы орайда, халық жиі қолданатын kaspi.kz қосымшасының әлі күнге мемлекеттік тілдегі нұсқасы жоғы тұтынушылардың наразылығын тудыруда.
