Нұр-Сұлтанда №52 мектептің қасында екі қызды көлік қағып кетті, деп хабарлайды DalaInform тілшісі.
11 қыркүйек күні таңертең Kia автокөлігінің 73 жастағы жүргізушісі артқа жүру барысында кәмелетке толмаған екі жаяу жүргіншіні қағып кетті.
«Жол апаты кезінде тротуарда қолында 2019 жылы туған сәбиі бар әйел және 2012 жылы туған қыз кетіп бара жатқан. Екі кәмелетке толмаған бала дене жарақатын алды, әйел зардап шеккен жоқ. Қазір тергеу амалдары жүріп жатыр», – дейді полиция департаментінің баспасөз қызметі.
Қыздар қалалық балалар ауруханасына жеткізілді. Жеті жастағы бала нейрохирургия бөліміне түсті. Оған жабық бас сүйек – ми зақымы мен ми шайқалуы диагноздары қойылды.
Ал екінші баланың желке тұсы жараланды. Ол амбулаториялық ем қабылдауға жіберілді.
Айгүл ЕЛТАЙ
