2021 жылдың басынан бері 800-ден астам этникалық қазақ «қандас» мәртебесін алды, деп хабарлайды DalaInform еңбек және халықты әлеуметтік қорғау министрлігіне сілтеме жасап.
«Биылғы 1 ақпандағы жағдай бойынша, 877 адам тарихи отанына оралып, қандас мәртебесін алды. 1991 жылдан бастап республикаға барлығы 1 млн 71,2 мың этникалық қазақ оралды. Осы жылдың басынан бастап Қазақстанға келген қандастардың жартысынан астамы (65,9%) Өзбекстаннан, 19,3% – ҚХР-дан, 6,3% – Түркіменстаннан, 4,2% – Моңғолиядан әрі 4,3% – басқа елдерден», – делінген ақпаратта.
Келген этникалық қазақтар негізінен Алматы (40,9%), Маңғыстау (12,5%) мен Түркістан (6%) облыстарында, сондай-ақ Нұр-Сұлтан (6%) және Шымкент (16,9%) қалаларында қоныстанды. Биылғы 1 ақпандағы жағдай бойынша, еңбекке қабілетті жастағы этникалық қоныс аударушылар саны 58,7%-ды, еңбекке қабілетті жасқа жетпегендері 21,4%-ды әрі зейнеткерлер 19,8%-ды құрайды.
