Жалпыға бірдей декларациялаудың бірінші кезеңіне қатысқандардың жартысынан көбі декларация тапсырды, деп хабарлайды DalaInform қаржы министрлігіне сілтеме жасап.
«Жалпыға бірдей декларациялаудың бірінші кезеңіне қатысушылардың жалпы санының 56%-ы декларация тапсырды. Атап айтқанда, жыл басынан бері 269 510 азамат өз мүлкін декларациялап үлгерді. Оның ішінде тек соңғы аптада 48 871 адам 250.00 формасын тапсырды. Сонымен бірге декларация тапсырып үлгергендер ішінен 171 682 азамат «e-Salyq Azamat» мобильді қосымшасын пайдаланды», – делінген ақпаратта.
Жалпыға бірдей декларациялаудың бірінші кезеңіне қатысатындардың жоспарланған саны 480 000 адамды құрайды.
