Денсаулық сақтау министрлігі 15 қыркүйек күнге арналған коронавирустық инфекциямен ауырғандарға қатысты ақпарат жариялады, деп хабарлайды DalaInform.
«Қазір коронавирустан 2 789 адам ем қабылдауды жалғастыруда. Олардың арасында 99 бала бар. Стационарларда 2 055 науқас жатыр. 734 адам амбулаториялық жағдайда емделуде. Жалпы науқастардың арасында 82 адамның халі нашар. Соның ішінде 14 науқастың халі аса ауыр деп бағаланып отыр. 11 азамат өкпені жасанды желдету аппаратына қосылған», – делінген мәліметте.
Бұған қоса, бір тәулікте 110 адамның вирус жұқтырғаны, 159 науқастың пневмониямен ауырғаны белгілі болды. Екі індеттен барлығы 5 азамат көз жұмды.
Кешегі дерек бойынша, Қазақстанда бір тәулікте 83 азамат КВИ-мен тіркелген болатын.
