Америка Құрама Штаттарының президенті Дональд Трамп өзінің және әйелі Меланияның коронавирус инфекциясын жұқтырғанын жеткізді, деп хабарлайды DalaInform РИА Новости басылымына сілтеме жасап.
«Бүгін бірінші ханым мен өзімнен COVID-19 анықталды. Біз бірден карантин және емделу процесін бастаймыз. Бұдан бірге өтеміз!», – деп жазды Трамп Twitter аккаунтында.
Ал президент дәрігерінің айтуынша, мемлекет басшысы мен оның жұбайы өздерін жақсы сезінеді. Олар Ақ үйде болуды және өз міндеттерін атқаруды жоспарлап отыр.
Америка Құрама Штаттары инфекция жұқтырғандар саны бойынша әлі бірінші орында, онда 7 277 759 жағдай анықталған. Бүкіл әлемде 34 миллионнан астам адам осы ауруға шалдығып, олардың миллионнан астамы көз жұмған.
