Данияр Елеусінов бұрынғы әлем чемпионы Джулиус Индонгоны техникалық нокаутпен жеңіп, жартылай орта салмақтағы IBF Inter-Continental атағын ұтып алды деп хабарлайды Dalainform тілшісі.
АҚШ-тың Флорида штатында өткен жекпе-жекті қазақстандық және намибиялық боксшылар өте қарқынды бастады. Алайда, арада аз уақыт өткенде, бірінді раундта отандасымыз қарсыласын нокдаунға түсіріп үлгерді.
Екінші раундта Данияр Джулиусты тағы бір мәрте есеңгіретіп, ол жұдырықтасудан бас тартуға мәжбүр болды.
Осылайша Қазақстан спортшысы кәсіпқой бокстағы он өнер көрсетуінің барлығында жеңісті белесті бағындырып, осы жолғы бақ сынауында аталмыш бағытта алғашқы атағына қол жеткізді.
Намибиялық болса, осал емес. WBA Super, IBF және IBO белбеулерін иеленіп келе жатып, 2017 жылдың тамыз айында әлемнің абсолют чемпиондығы үшін тартыста америкалық Теренс Кроуфордтан жеңіліп қалды.
Шоуды тамашалауға шетелдегі қазақстандық белді боксшылар, бауыры Максиммен Геннадий Головкин және Әли Ахмедов келді. Мұндағы басты бокс кездесуінде GGG тарапынан жеңіліс тапқан Дэниэла Джейкобс пен Габриэл Росадо жолықпақ.
