22 желтоқсан сағат 20: 00-де Нұр-Сұлтанда қаланың барлық жаңажылдық шыршалары салтанатты түрде іске қосылады деп хабарлайды Dalainform тілшісі.
Қала аумағында олардың саны 30-дан асады. Хабар телеарнасы «Ғажайып шырша» қысқаметражды фильмін 19:50-де көрсете бастайды, ал 20:00-де ЭКСПО-да орналасқан бас шыршаны жарықтандыруға арналған дайындалған бейнеролик көрсетіледі.
Он минуттық фильмнің өзі бірнеше новелладан тұрады: игі істер, жануарларға деген сүйіспеншілік пен қамқорлық, ата-анаға құрмет, отбасылық құндылықтар.
Жаңа жыл қарсаңында бейнеқұттықтаулар ұйымдастырылмақ. Оған танымал адамдар, қазақстандық эстрада жұлдыздары, актерлер және тағы басқа тараптар қатысады.
