Денсаулық сақтау министрі Алексей Цой бірінші тоқсанда онлайн формат сақталатынын айтты, деп хабарлайды DalaInform тілшісі.
«Қазақстан барлық мемлекет сияқты коронавирустың екінші толқынына дайындалып жатыр. Күзде тұмау мен СOVID-19 қатар келуі мүмкін. Сондықтан біз бірінші тоқсанда осы форматты сақтауды ұсынамыз. Одан кейін ұжымдардағы ауру деңгейін зерттеген соң біз бұл мәселені ведомствоаралық комиссияға енгізіп, қосымша қарастырамыз», – деді Алексей Цой ОКҚ брифингі барысында.
Брифинг эпидемиологиялық жағдайдағы 2020-2021 жылдарға арналған оқу процесін ұйымдастыру туралы өтті.
Бұған дейін премьер-министр орынбасары Ералы Тоғжанов елімізде қанша бала коронавирус жұқтырғанын айтқан болатын.
Айгүл ЕЛТАЙ
