«Детская новая волна» байқауының қазақстандық қатысушысына Ресейге кіруге рұқсат берілді деп хабарлайды Dalainform тілшісі ҚР Сыртқы істер министрлігіне сілтеме жасап.
Осылайша қазақстандық дипломаттар мен Мәскеудегі елшілік араласқан соң, «Детская новая волна» халықаралық байқауының ақтық сынға қатысушысы Аружан Ардақ пен оның анасы Гүлжан Сәбікенова шекарадан өтіп отыр.
Мәселе сонда, көрші елдің белгілі сазгері Игор Крутойдың арнайы шақыруы болуына қарамастан, Түркия арқылы транзитпен келуіне байланысты, қолданыстағы ережеге сәйкес, анасы мен қызын Ресей аумағына кіргізбей тастаған.
ҚР СІМ бұл жағдай ерекше екенін еске салып, ҚР азаматтарының назарын РФ Үкіметінің 16.03.2020 жылғы №635-р өкіміне қосымшаға сай, Қазақстан азаматтары мен ҚР-да тұруға ықтиярхаты бар шетелдік азаматтардың Ресейге шектеусіз кіруі тек әуе өткізу пункттері арқылы және Қазақстаннан тікелей әуе рейстермен ғана мүмкін екеніндігіне назар аударады. Қазақстаннан Ресейге басқа елдер арқылы келу осы елдердің тұруға ықтиярхаты болған жағдайда ғана мүмкін болмақ.
«Өкінішке қарай, шектеусіз кіру тек тікелей рейстерге ғана қатысты екен. Ал төте рейстер тек аптасына бір рет қана, оларға барлық билет сатылып кеткен. Бар болғанның өзінде, бір адамға бір бағытқа 1,5 миллион теңге тұрады», – деп жазды Аружанның мамасы Гүлжан Сәбікенова кейін мәселе шешілгенде барша жанашыр жандарға алғыс айта отырып.
Оның сөзіне қарағанда, әуе тасымалдаушысы тарапынан ешқандай жәрдем болмағанымен, әуежай қызметкерлері тамақтандырып, ыстық су берген.
