Шығыс Қазақстан облысының тұрғыны аса ірі мөлшерде есірткі сақтаған, деп хабарлайды DalaInform тілшісі ішкі істер министрлігінің баспасөз қызметіне сілтеме жасап.
Аталған факт бойынша қылмыстық кодекстің 296-бабы 4-бөлігі бойынша сотқа дейінгі тергеу басталды.
Көліктегі полиция департаменті «Транзит» және «Карасора» профилактикалық іс-шараларын өткізген. Оның барысында Өскемен-1 станциясындағы желілік полиция бөлімі қызметкерлері есірткі өсіру туралы жедел ақпаратты тексерген. Шығыс Қазақстан облысы Серебрянск қаласы теміржолының жанында орналасқан жеке үйлердің бірінде тінту жүргізілген. Тексеру кезінде 45 жастағы тұрғынның үйінің ауласынан қарасора өсімдіктері мен кептірілген марихуана табылған. Есірткінің жалпы салмағы 50 келіден асқан.
«Биылғы жылдың басынан бері көлік полицейлері 22 есірткі заң бұзушылығын анықтады. Оның 25-і есірткі сату, 15-і аса ірі көлемде сақтау және 4-і есірткі контрабандасы фактілері. Заңсыз айналымнан жалпы салмағы 153 келіден астам есірткінің әр түрі алынды, оның ішінде 38 грамм героин да бар», – делінген ақпаратта.
Айгүл ЕЛТАЙ
