Ақтөбеде 24 жастағы қыздың сөмкесіндегі 2,5 миллион теңгені ұрлап кеткен жігіт ұсталып, қамауға алынды, деп хабарлайды DalaInform полицияға сілтеме жасап.
Биылғы 15 желтоқсанда сағат 15.55 шамасында «102» телефон арқылы 101 атқыштар бригадасы көшесіндегі кафелердің бірінде белгісіз біреу 24 жастағы қала тұрғынының үстел үстінде жатқан сөмкесіндегі ақшасын ұрлап кеткені туралы ақпарат түсті. Жәбірленуші патрульдік нарядтарға рюкзакта 4.100 АҚШ доллары, 824 мың теңге сомасында ақша болғанын айтты. Жалпы шығын 2,5 миллион теңгені құрады.
«Қабылданған жедел-іздестіру іс-шаралары нәтижесінде күдікті анықталды. Ол қылмыс жасағаннан кейін Орал қаласына кетіп қалған. Жедел уәкілдер шұғыл түрде көрші облысқа шығып, Орал қаласының 32 жастағы тұрғынын ұстап, полиция бөліміне апарды. Аталған факт бойынша қылмыстық кодекстің 191-бабы, 3-бөлігі (тонау) бойынша сотқа дейінгі тергеу амалдары жүргізілуде. Ер адам ҚР ҚІЖК 128-бабына сәйкес, Ақтөбе қаласының уақытша ұстау абақтысына қамалды», – делінген polisia.kz мәліметінде.
