Алматы облысында жоғалған бозбала өлі табылды, деп хабарлайды DalaInform тілшісі құқық қорғаушылар сайтына сілтеме жасап.
11 қыркүйекте Еңбекшіқазақ ауданы Шелек ауылының 45 жастағы тұрғыны ауылдан үш шақырым жердегі көл жағасынан жас жігіттің денесін тапқаны туралы полицияға хабарлады.
Оқиға орнына жеткен жедел-тергеу тобы мәйіттің хабар – ошарсыз кеткен 17 жастағы Равиль Абумуслимов екенін анықтады.
Ер адам мәйітті балық аулау кезінде тауып, тәртіп сақшыларына дереу хабарлаған. Сот-медициналық сараптама тағайындалды.
«Равиль биылғы 30 тамызда Еңбекшіқазақ ауданы Шелек ауылында жоғалып кеткен болатын. Баланың туыстары полицейлерге жүгінген еді. Уәкілетті органдар мен еріктілер іздеу жұмыстарын белсенді түрде жүргізген болатын», – делінген polisia.kz сайтында.
Айгүл ЕЛТАЙ
