Қазақстан президентінің көмекшісі – қауіпсіздік кеңесінің хатшысы Әсет Исекешев Армения қауіпсіздік кеңесінің хатшысы Армен Григорянмен тілдесті, деп хабарлайды DalaInform Ақордаға сілтеме жасап.
«Армян тарапының бастамасы бойынша Қазақстан Республикасы президентінің көмекшісі – қауіпсіздік кеңесінің хатшысы Әсет Исекешев Армения Республикасы қауіпсіздік кеңесінің хатшысы Армен Григорянмен телефон арқылы сөйлесті. Тараптар Таулы Қарабақ төңірегіндегі армян-әзербайжан қақтығысының ушығуына байланысты ахуалды талқылады», – делінген ақпаратта.
Исекешев әріптесіне Қазақстан тарапының ахуалды тұрақтандыру үшін барлық шараны қабылдау, күштік құралдарды пайдаланудан бас тарту қажеттігі, сондай-ақ, мәселені тек саяси және дипломатиялық тұрғыдан шешу туралы ұстанымын жеткізді.
