Нұр-Сұлтанда Қазақстан халық партиясының XVII кезектен тыс съезі өткізілді, деп хабарлайды DalaInform ҚХП-ға сілтеме жасап.
Съезд барысында партиялықтар мәжіліс пен мәслихаттар депутаттары сайлауын қорытындылап, парламенттік фракция өкілдерін таңдады. Партиялық тізім бойынша ҚХП атынан мәжіліске 113 кандидат және түрлі деңгейдегі мәслихаттарға 214 кандидат ұсынылды. ҚХП мәжіліс сайлауында 9,1 пайыз дауыс жинап, 10 депутаттық мандатқа ие болды.
«Жарты миллионнан астам қазақстандық бізге дауыс берді. Енді солардың сенімін ақтауға тиіспіз!» – дейді партиялықтар.
Съезд барысында депутаттық мандаттар партиялық тізімдегі кандидаттар арасында дауыс беру арқылы бөлінді. ҚХП атынан мәжіліске Айқын Қоңыров, Жамбыл Ахметбеков, Ирина Смирнова, Александр Милютин, Сергей Решетников, Айбек Паяев, Ғазиз Құлахметов, Ерлан Смайлов, Файзолла Каменов әрі Айжан Сқақова өтті.
