Қасым-Жомарт Тоқаев Ресей президенті әкімшілігі басшысының орынбасары Дмитрий Козакпен жүздесті, деп хабарлайды DalaInform Ақордаға сілтеме жасап.
«Тоқаев Қазақстанға Владимир Путиннің тапсырмасымен келген Ресей президенті әкімшілігі басшысының орынбасары Дмитрий Козакты қабылдады. Кездесу барысында Қазақстан мен Ресей арасындағы әріптестік және одақтастықтың өзекті мәселелерін талқылады. Саяси, сауда-экономикалық әрі гуманитарлық ынтымақтастықты дамытуға, сондай-ақ еуразиялық интеграцияға, оның ішінде, жуырда өтетін жоғарғы еуразиялық экономикалық кеңес отырысына ерекше көңіл бөлді», – делінген ақпаратта.
Мемлекет басшысы Ресей Федерациясымен күн тәртібіндегі көп қырлы өзара қимылдарды нығайтуға басымдық берудің маңызды екенін мәлімдеді. Екі ел президенттері әкімшіліктері арасында іс-қимылдар мен байланыстарды дамыту жөнінде келісім жасалды.
