РФ Байкал өңіріндегі тергеу комитетінің бөлімі кішкентай баланың өміріне қастандық жасаған Чита қаласының 35 жастағы тұрғынына қатысты қылмыстық іс қозғады деп хабарлайды Dalainform тілшісі.
Тергеу мәліметі бойынша, 2020 жылдың 28 желтоқсанының түні күдікті балалық жасап қойған 4 жастағы өгей ұлын ұрып-соғып, пеш жағылмайтын гаражға қамап қойған. Үстінде жеңіл киімі бар, жалаңаяқ бүлдіршін осылайша бірнеше сағат суықта отырған.
Жағаұстатарлық сорақы жағдай туралы естіген баланың анасы оны құқық қорғау орындарына арызданған.
Қазіргі уақытта аяқ-қолын үсік шалып, соққы көрген бала ауруханада жатыр.
Айыпты 48 сағатқа тұтқындалып, тергеушілер сотқа қаскөйді әрі қарай да қамауда ұстау жайлы өтініш жасауда.
