Сенаторлар ауыл тұрғындарының көшуі мен жас мамандардың тапшылығына назар аударды, деп хабарлайды DalaInform парламенттің жоғары палатасына сілтеме жасап.
Депутаттар Ақмола облысының Шортанды ауданында болып, жергілікті тұрғындармен, жергілікті билік өкілдерімен кездесті және шаруа қожалықтарын аралады.
Сенат депутаттары ауылдағы нақты жағдай мен өзекті мәселелерге, сондай-ақ ауылдық аумақтарды қолдау мен дамытуға арналған мемлекеттік бағдарламалардың орындалу сапасына назар аударды. Жоғары палатаның аграрлық мәселелер, табиғатты пайдалану және ауылдық аумақтарды дамыту комитетінің сапары 2020 жылғы 23 қазанда өтетін парламенттік тыңдауға дайындық аясында жүзеге асты.
Сенаторларға түскен ақпарат бойынша, ауыл тұрғындары қалаларға қоныс аударуда. Депутаттар сондай-ақ ауыл мектептері мен дәрігерлік мекемелердің жай-күйіне назар аударды. Республика бойынша олардың кейбірі күрделі жөндеуді немесе жаңа ғимараттар салуды қажет етеді. Ауыл тұрғындары сенат депутаттарымен жүздесулерде ауылдағы жұмыспен қамту тақырыбын қозғады. Сонымен қатар, шаруа қожалықтарының басшылары білікті жас мамандардың жетіспейтінін тілге тиек етті.
«Ауылға жоғары білімді жас мамандарды тартуда көптеген проблема бар. Бізде «Дипломмен – ауылға» бағдарламасы өте жақсы, бірақ, өкінішке орай, бұл бағдарламаның орындалу сапасы төмен», – деді сенатор Ақылбек Күрішбаев.
Парламентшілер аграрлық жоғары оқу орындарын бітірген жас мамандардың 100%-ның 30%-ы ғана ауылға оралатынын атап өтті. Еліміздің көптеген ауылында осыған ұқсас жағдай қалыптасуда. Бірақ «Ауыл – ел бесігі» бағдарламасының арқасында ауылдық елді мекендер жандана бастады – әлеуметтік нысандар қалпына келтірілуде және жаңа жұмыс орындары ашылуда, сондықтан ауыл тұрғындары осы бағдарламаны одан әрі жүзеге асыруға үміттеніп отыр.
