Санитарлық-эпидемиологиялық бақылау комитеті 2021 жылғы 21 ақпанда халықаралық авиарейстермен келген азаматтар бойынша ақпарат жариялады, деп хабарлайды DalaInform.
«2021 жылғы 21 ақпанда Қазақстан аумағына Германия, Литва, Шри-Ланка, Мальдив Республикасы, БАӘ, Мысыр, Түркия, Грузия, Украина, РФ, Өзбекстан мен Қырғызстаннан 21 әуе рейсі келді. 3 155 әуе жолаушы ішінде ПТР-тестілеудің теріс нәтижесі бар анықтамамен 2 498 адам, анықтамасыз 657 ҚР азаматы келді. Оның ішінде: Алматы қаласы әуежайына – 12 рейс, 1 998 адам, анықтамамен – 1 633, анықтамасыз – 365; Нұр-Сұлтан қаласы әуежайына – 8 рейс, 1 155 жолаушы, анықтамамен – 863; анықтамасыз – 292; Шымкент қаласы әуежайына – 1 рейс, 2 азамат анықтамамен келген. Анықтамасыз келген адамдар келген жерлері бойынша COVID-19-ға ПТР-талдау әдісімен тестіленді және карантиндік стационарларда өз нәтижелерін күтіп отыр», – делінген деректе.
2021 жылғы 20 ақпанда шетелден анықтамасыз келген жолаушылардың ПТР-тестілеу нәтижелері туралы мәліметке келсек, анықтамасыз келген барлық 327 азаматтың талдауы теріс нәтиже көрсетті.
