Алматыда мас жүргізуші қуғыннан бой тасалап, ірі жол апатын жасады, деп хабарлайды DalaInform құқық қорғаушылар порталына сілтеме жасап.
Патрульдік полиция қызметкерлері Абай мен Достық даңғылдарының қиылысында «Лексус» автокөлігіне назар аударған.
«Біріншіден, автокөлік жүргізушісінің агрессивті жүрісі көзге түсті. Бірақ жүргізуші олардың талаптарына бағынбай, керісінше рұқсат етілген жылдамдықтан асып, жасырынуға тырысты. Алайда бұл әрекеті сәтсіз аяқталды. Салдарынан құқық бұзушы сол бағытта келе жатқан екі көлікпен соқтығысты. Бұзақы ұсталып, көлік жүргізуден шеттетілді. Сот-наркологиялық сараптама оның мас екенін анықтады. Ер адамның барда алкогольдік ішімдік ішкені белгілі болды», – деді Медеу ауданы полиция басқармасының бастығы Дәурен Өтебаев.
Алматы қаласы мамандандырылған ауданаралық әкімшілік сотының қаулысымен заң бұзушы 9 жылға көлік жүргізу құқығынан айырылды. Сондай-ақ, 25 тәулікке әкімшілік қамауға алынды, дейді polisia.kz.
Бұған қоса, апат болған жерден кетіп қалғаны үшін 50 айлық есептік көрсеткіш көлемінде айыппұл салынды.
