Биылғы «Дарын» мемлекеттік жастар сыйлығын алатындардың есімі анықталды деп хабарлайды Dalainform тілшісі.
Ақпарат және қоғамдық даму министрлігінің сыйлықтың өзін Қазақстан Республикасының Тәуелсіздік күні қарсаңында табыстауды жоспарлап отыр.
Барлық жеңімпаздарға «Дарын» мемлекеттік жастар сыйлығының лауреаты» атағы бұйырып, диплом, төсбелгі және 600 000 теңге ақшалай сыйлық тапсырылмақ.
«Аталған сыйлық жас қазақстандықтарға жемісті ғылыми, шығармашылық, қоғамдық қызметі, сондай-ақ жоғары спорттық жетістіктері үшін беріледі және әдебиет, ғылым, дизайн және бейнелеу өнері, журналистика, классикалық музыка, қоғамдық қызмет, спорт, театр және кино, эстрада, халық шығармашылығы сияқты түрлі салалардағы 10 аталымнан тұрады», – дейді министрлік өкілдері.
1992 жылдан бастап еліміздің 264-тен астам талантты жастары сыйлықтың лауреаттары атанған. Әр жылдары Бақтияр Артаев, Серік Сәпиев, Илья Ильин, Денис Тен, Димаш Құдайбергенов, Мария Мудряк, «Муз АРТ» тобы, Қалқаман Сарин, Элизабет Тұрсынбаева және тағы басқа азаматтар тиісті жүлдеге қол жеткізген.
2020 жылғы «Дарын» сыйлығының иегерлері:
Ғылым:
Мұқатаев Жүсіпбек
Әшімова Әсем
Эстрада:
Болсанбек Дәрия
Кенішқалиев Бексұлтан
Классикалық музыка :
Дүйсембаев Қалқаман
Мүсірғалиева Жібек
Халық шығармашылығы:
Мұқият Асқар
Түрікпен Күнсұлу
Әдебиет:
Шеризатов Арман
Театр және кино:
Серіков Әбілмансұр
Валиуллиев Жасқайрат
Спорт:
Галышева Юлия
Кенжеғалиев Жігер
Дизайн және бейнелеу өнері:
Әбішев Ардақ
Тоқтасынова Ақбота
Журналистика:
Мыңбаев Рауан
Сартбаева Әсем
Қоғамдық қызмет:
Споткай Максим
Болысов Тоқтар
